A Yuh Name Lightening Bolt - By J.A. Hutchinson |
|
|
|
Sing yuh sweet ridim song young stallion Do Yuh Ting Young Stallion Dance yuh wicked reggae dance Three quarter a dem woulda behave twice as bad If dem did half di chance
Plenty a dem deh under di quietA wish say dem did come from yard Wi no apologize fi wi status as Jamaicans See wi yah … wi big, bad and broad
Tell dem say when Jamaicans come fi wuck wi show Entime di victory sweet Wid di dance and di timbrel wi a go celebrate Wi name Jamaican an a so wi dweet
Bolt, yuh mean much more to wi dan ligtning Mr. Bolt Yuh Name Yuh a fire, brimstone and thunder Yuh a di cat mongst di pijin dem inna di bud nest A wonder bout di Jamaican wonder
An no matter which part a world di Jamaican dem deh Right now wi a beat wi chest Kin pupalick and kin wi teet, because wi know Jamaica … a di best
So dance yuh dance, proud Jamaican stallion A yuh game dem waan fi colt Tell dem say a Faada God a run yuh show An a Him name yuh Lightning Bolt
|